Gorchymyn ysbyty i fenyw 42 oed a gyfaddefodd ddynladdiad

Mae mam wedi cael ei rhoi o dan orchymyn ysbyty ar ôl pledio'n euog i ddynladdiad ei mab chwech oed a'r ymgais i lofruddio ei thad mewn digwyddiad yng Ngendros, Abertawe, y llynedd.

 Plediodd Karolina Zurawska, 42 oed o ardal Gendros, ar y sail nad oedd yn llawn gyfrifol, a gafodd ei dderbyn gan yr erlyniad ar sail adroddiadau gan seiciatryddion fforensig.

 Yn gynharach ar yr un diwrnod – Dydd Iau 29 Awst – roedd Zurawska wedi ceisio llofruddio ei thad 67 oed, Krzysztof Siwy.

 Dywedodd y Ditectif Brif Arolygydd, Matthew Davies: “Roedd hwn yn ddigwyddiad trasig a thrallodus iawn sydd wedi cael effaith ddifrifol ar y gymuned gyfan yng Ngendros, yn ogystal â'r staff a'r disgyblion yn ysgol Aleksander. Bydd pob un ohonynt wedi'u llorio o glywed am farwolaeth Aleksander.

 “Roedd y gymuned leol yng Ngendros yn anhygoel o ran ei chefnogaeth i'n hymchwiliad yn ystod cyfnod a oedd yn anodd iawn.

“Mae ein cydymdeimladau o hyd gyda theulu a ffrindiau Aleksander.”