Dyn o Gaerdydd wedi'i garcharu am dreisio

Mae Daniel Wide, 33 oed, o Lanisien, wedi cael ei ddedfrydu i 15 mlynedd gan gynnwys 10 mlynedd yn y carchar a 5 mlynedd ar drwydded estynedig.

Plediodd yn euog i dreisio ac ymosodiad rhywiol drwy dreiddiad, a chafodd ei ddedfrydu yn Llys y Goron Caerdydd ddydd Mawrth, 8 Ebrill.

Dywedodd y Ditectif Gwnstabl Wehab Mohamed, o Heddlu De Cymru:

“Cafodd gweithredoedd Wide effaith enbyd ar y dioddefwr sydd wedi bod yn hynod ddewr yn siarad yn agored, yn cysylltu â'r heddlu, ac yn mynd drwy'r broses cyfiawnder troseddol.
“Arweiniodd ei thystiolaeth a'n hymrwymiad i'r ymchwiliad hwn at ddau ble euog.
“Gobeithio y bydd y canlyniad yn rhoi rhywfaint o gysur i'r dioddefwr ac yn ei galluogi i ddechrau'r broses o adfer ei hyder.”

Mae gan Heddlu De Cymru dimau ymchwilio arbenigol i drais ar draws ardal yr heddlu, sy'n ymroddedig i ymchwilio i drais a throseddau rhywiol difrifol.

Mae hyn yn sicrhau bod y dioddefwyr yn cael y gwasanaeth, y cymorth a'r canlyniadau y maent yn eu haeddu drwy gydol y broses cyfiawnder troseddol.

Ceisiwch help a chymorth os ydych chi neu rywun rydych yn ei adnabod wedi dioddef trais rhywiol, ymosodiad rhywiol neu drosedd rywiol arall. Fyddwn ni ddim yn eich barnu: byddwn yn eich trin â sensitifrwydd a pharch, a byddwn bob amser yn rhoi eich iechyd a'ch llesiant yn gyntaf.

I gael rhagor o wybodaeth ewch i https://www.south-wales.police.uk/cy-GB/riportio/riportio/riportiwch/alpha-v1/cyngor/treisio-ymosod-rhywiol-a-throseddau-rhywiol-eraill/

Ffoniwch 999 bob amser mewn argyfwng.