Apêl i ddod o hyd i Paria Veisi sydd ar goll

Mae Heddlu De Cymru yn ymchwilio i ddiflaniad menyw 37 oed o ardal Cathays yng Nghaerdydd.

Nid yw Paria Veisi wedi cael ei gweld ers tua 3pm ddydd Sadwrn, 12 Ebrill, pan adawodd ei gweithle yn Nhreganna. Rhoddwyd gwybod ei bod ar goll y diwrnod wedyn.

Mae ei diflaniad yn gwbl groes i'w chymeriad ac mae swyddogion yn pryderu am ei lles.

Disgrifiad

Mae gan Paria wallt hir, cyrliog, du – cafodd ei gweld ddiwethaf yn gwisgo top ymarfer corff du â sip dros dop coch, trowsus du, ac esgidiau rhedeg. Roedd yn cario bag ochr bach.

Symudiadau

Mae ymholiadau teledu cylch cyfyng a wnaed gan swyddogion yn cadarnhau bod Paria wedi gadael ardal Treganna ddydd Sadwrn, 12 Ebrill, yn gyrru yn ei char Mercedes du GLC 220. Daethpwyd o hyd i'r car nos Fawrth (15 Ebrill) ar Dorchester Avenue, Penylan.

Mae dyn, 41 oed, a menyw, 48 oed, wedi cael eu harestio mewn cysylltiad â'i diflaniad ac maent yn nalfa'r heddlu.

Gellir cyflwyno gwybodaeth a deunydd fideo oddi ar ddyfeisiau fel ffonau symudol, camerâu teledu cylch cyfyng, clychau drws neu gamerâu dashfwrdd drwy'r ddolen hon: https://mipp.police.uk/operation/62SWP25C05-PO1

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu'r rhif cyfeirnod 2500116906.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://bit.ly/SWPProvideInfo
• E-bostiwch [email protected]
• 101

Ffoniwch 999 bob amser mewn argyfwng.