Menyw o Benlan wedi'i charcharu ar ôl taflu dŵr berwedig at fenyw arall

Mae menyw o Abertawe wedi cael ei charcharu ar ôl taflu dŵr berwedig at wyneb menyw arall.

Cyflawnodd Jessica Thorne, 21 oed o Benlan, y drosedd Ddydd San Steffan y llynedd. Achosodd yr ymosodiad losg mawr coch ar ochr wyneb y dioddefwr, a allai gymryd hyd at ddwy flynedd i wella ac a allai adael creithiau.

Mae wedi cael ei dedfrydu i ddeg mis a phythefnos yn y carchar.

Dywedodd y Ditectif Ringyll Samuel Stanway:

“Mae Jessica Thorne wedi dangos ei bod yn fenyw beryglus iawn, ar ôl iddi benderfynu ymosod ar y dioddefwr gan wybod y gallai fod wedi ei chreithio am byth.

“Cafodd yr ymosodiad hwn ei ysgogi gan genfigen tuag at y dioddefwr.

Rydym yn gobeithio y bydd y dioddefwr yn gwella'n fuan ac yn cael ei chysuro o wybod bod Jessica Thorne yn mynd i'r carchar.”