Dyn o Walsall wedi'i garcharu ar ôl euogfarn am ddau achos o dreisio yng Nghwmafan
Cynnwys y prif erthygl
Mae dyn o Orllewin Canolbarth Lloegr wedi cael ei garcharu ar ôl ei gael yn euog o ddau achos o dreisio a ddigwyddodd yng Nghastell-nedd Port Talbot.
Plediodd Johnathan Sutton, dyn 35 oed o Walsall, yn ddieuog i'r troseddau, a ddigwyddodd ym mis Mehefin ac Awst 2021 yng Nghwmafan, mewn cyfeiriad lle roedd Sutton yn byw ar y pryd
Fodd bynnag, cafwyd ef yn euog yn Llys y Goron Abertawe, ac mae wedi cael ei ddedfrydu yr wythnos hon.
Cafodd ddedfryd estynedig o 18 mlynedd yn y carchar am ddau achos o dreisio yn erbyn dau ddioddefwr gwahanol.
Dywedodd y Ditectif Gwnstabl Gary Willis-Hill:
"Roedd Johnathan Sutton yn amlwg yn ddyn peryglus a fanteisiodd ar ddioddefwyr pa roedd yn teimlo ei fod yn gallu eu rheoli.
"Drwy bledio'n ddieuog i'r troseddau hyn, mae wedi dangos nad oes ganddo unrhyw edifeirwch am ei weithredoedd, a'r effaith y mae ei weithredoedd wedi ei chael ar fywydau a llesiant ei ddioddefwyr.
"Bydd bellach yn y carchar am gyfnod sylweddol o amser."