Dyn o Abertawe wedi'i garcharu am gyflenwi cyffuriau Dosbarth A

Mae dyn o Abertawe wedi cael ei garcharu am ymwneud â chyflenwi cyffuriau Dosbarth A.

Cafodd Andrew Davison, dyn 34 oed o Waun Wen, ei stopio gan swyddogion ar 2 Chwefror.

Wedi gael ei stopio, dangosodd negeseuon ar ei ffôn symudol dystiolaeth glir ei fod yn ymwneud â chyflenwi cocên.

Mewn archwiliad o gyfeiriad Davison, atafaelwyd set o gloriannau digidol.

Cafodd ei ddedfrydu i dair blynedd a naw mis yn y carchar.

Dywedodd y Ditectif Ringyll Heather Southway:

"Roedd Andrew Davison yn cyflenwi cyffuriau yn anghyfreithlon i bobl yn ei gymuned leol heb roi ystyriaeth i'w llesiant.

"Fel yn achos delwyr cyffuriau eraill, bydd yn cael ei haeddiant drwy gael ei garcharu am sawl blwyddyn.

"I unrhyw un arall sy'n rhan o'r gweithgaredd anghyfreithlon hwn, byddwn yn dod o hyd i chi, a byddwch yn cael eich anfon i'r carchar."