Dyn o Abertawe wedi ei garcharu am geisio cyflenwi crac cocên
Cynnwys y prif erthygl
Mae dyn o Abertawe wedi cael ei garcharu ar ôl ceisio cyflenwi crac cocên.
Cafodd Jack Arran, 29 oed o Dreforys, ei arestio ar 31 Ionawr 2025, ar ôl cael ei ganfod â'r cyffuriau Dosbarth A, cocên a chrac cocên, yn ei feddiant.
Yn ddiweddarach, nodwyd bod ffôn symudol a oedd ym meddiant Arran yn gysylltiedig â llinell gyffuriau a oedd eisoes yn destun ymchwiliad.
Ar 3 Mawrth, plediodd yn euog i fod a sylweddau Dosbarth A yn ei feddiant gyda'r bwriad o'u cyflenwi, a chaffael eiddo troseddol.
Mae wedi cael ei ddedfrydu i 40 mis yn y carchar.
Dywedodd y Ditectif Ringyll Heather Southway:
"Roedd Jack Arran yn ymwneud â chyflenwi rhai o'r cyffuriau mwyaf niweidiol o fewn ein cymunedau, ac o ganlyniad i'r ddedfryd hon, mae ei ran yn yr ymgyrch, yn ffodus, wedi dod i ben.
"Mae'r achos hwn yn enghraifft arall i atgoffa'r rhai sy'n ymwneud â'r fasnach gyffuriau anghyfreithlon – byddwch yn cael eich dal, a byddwch yn cael eich dwyn i gyfrif."