Dau ddyn wedi eu carcharu ar ôl cael eu harestio yn ystod warant fferm ganabis
Cynnwys y prif erthygl
Mae dau ddyn wedi cael eu carcharu am gynhyrchu cyffuriau Dosbarth B ar ôl cael eu harestio yng Nghastell-nedd Port Talbot.
Cafodd Drenit Matmuja, 24 oed a Jonis Krasniqi, 20 oed eu cadw yn y ddalfa yn dilyn gwarant bositif mewn eiddo cyfagos ar Heol Cyfyng, Ystalyfera.
Roedd yr islawr yn y ddau eiddo yn cael ei ddefnyddio i dyfu nifer sylweddol o blanhigion canabis.
Mae'r ddau ddyn wedi cael eu hanfon i'r carchar am ddeg mis.
Dywedodd y Rhingyll Matthew Jones:
"Mae'n amlwg bod y dynion wedi bod yn cynnal eu hymgyrch gyffuriau ar ffordd sy'n cael ei hystyried yn dawel, fel na fyddent yn codi amheuaeth.
"Fodd bynnag, ni ddylai'r ddau fod wedi meddwl na fyddai eu gweithgareddau anghyfreithlon yn dod i'r amlwg.
"Rydym yn gobeithio y bydd y ddau ohonynt yn treulio eu hamser yn y carchar yn ystyried eu gweithredoedd ac yn newid eu ffyrdd cyn cael eu rhyddhau."