Cyhuddo dyn o lofruddiaeth yn dilyn marwolaeth menyw o Gefn Cribwr

Mae dyn wedi cael ei gyhuddo o lofruddio menyw 48 oed yng Nghefn Cribwr, Pen-y-bont ar Ogwr, yn gynharach y mis hwn.

Cafodd swyddogion eu galw ychydig ar ôl 9.15pm nos Wener, 18 Ebrill, oherwydd pryder am les dau berson mewn eiddo ar Bryn Terrace. Ar ôl cyrraedd, daethant o hyd i gorff Tracey Davies (Young gynt).

Cafodd Michael Davies, 56 oed o Gefn Cribwr, ei arestio yn y fan a'r lle ar amheuaeth o lofruddio Tracey. Heddiw, mae wedi cael ei gyhuddo o'r drosedd hon, a bydd yn ymddangos gerbron Llys Ynadon Caerdydd yfory am 10am.

Mae perthnasau agosaf Tracey wedi'u hysbysu.

Dywedodd y Ditectif Arolygydd Claire Lamerton, o'r Tîm Ymchwilio i Droseddau Mawr:

“Mae hwn wedi bod yn ddigwyddiad eithriadol o anodd i'r gymuned yng Nghefn Cribwr. Mae ein cydymdeimladau o hyd gyda theulu a ffrindiau Tracey.

“Nid ydym yn chwilio am unrhyw un arall mewn cysylltiad â'r digwyddiad hwn.”