Carcharu menyw ar ôl ymosodiad yng nghanol dinas Abertawe

Mae menyw o Abertawe wedi cael ei charcharu ar ôl ymosodiad saith munud ar ddyn, a achosodd anafiadau sylweddol i'r dioddefwr.

Roedd Sarah Giffard, 32 oed o Waunarlwydd, wedi meddwi pan ymosododd ar y dioddefwr yn Plymouth Street, Abertawe, ar 1 Tachwedd y llynedd.

Cyrhaeddodd PCSO yno o fewn 30 eiliad i'r ymosodiad, ar ôl i'r dioddefwr fynd yn anymwybodol.

Aethpwyd â'r dioddefwr i'r ysbyty, ond gwelwyd nad oedd ei anafiadau, a oedd yn cynnwys torri esgyrn yn ei benglog, a thorri asgwrn ei foch, pont ei ysgwydd a dwy asen ynghyd â gwaedlif ar yr ymennydd, yn rhai a oedd yn peryglu ei fywyd.

Mae wedi cael ei dedfrydu i dair blynedd yn y carchar.

Dywedodd y Rhingyll Craig Evans:

“Ymosododd Sarah Gifford ar ddioddefwr diniwed yn dreisgar ac yn ddi-sail yng ngolau dydd tra roedd dan ddylanwad alcohol. Mae nawr ar fin talu'r pris am ei gweithredoedd, a oedd yn gwbl annerbyniol.

“Byddwn yn ymdrin â'r rhai sy'n troseddu yn y ddinas yn gadarn.

“Bydd patrolau amlwg iawn yn parhau drwy gydol yr haf fel rhan o Ymgyrch Sentinel.”