Carcharu lleidr o Aberafan am ei gyfres ddiweddaraf o droseddau

Mae lleidr cyson o Gastell-nedd Port Talbot wedi cael ei garcharu ar ôl ei gyfres ddiweddaraf o droseddau.

Targedodd Marcus Bevan, 38 oed o Aberafan, nid llai na phedwar cyfeiriad yn ardal Port Talbot ar 11 Chwefror eleni.

Cafodd ei ddedfrydu i dair blynedd a naw mis yn y carchar.

Dywedodd y Ditectif Ringyll Jonathan Holding:

“Mae bob amser yn siomedig gweld troseddwyr yn parhau i gyflawni troseddau, ar ôl iddynt gwblhau rhaglenni sydd wedi'u cynllunio i leihau achosion o aildroseddu pan fyddant yn y ddalfa.

“Yn ystod y sbri ddiweddaraf hon o droseddu digywilydd, gwnaeth Marcus Bevan ddwyn dillad o un cyfeiriad ac allweddi tŷ o un arall. Ceisiodd agor drysau ffrynt o leiaf ddau gyfeiriad arall hefyd, ond ni lwyddodd i fynd i mewn.

“Mae Marcus Bevan yn lleidr cyson sy'n dangos dim arwydd o ddysgu ei wers a newid ei ffordd o fyw. Mae nawr ar fin dechrau dedfryd hir o garchar.”