Carcharu dyn o Abertawe yn dilyn lladrad yn defnyddio cyllell
Cynnwys y prif erthygl
Mae dyn o Abertawe wedi cael ei garcharu ar ôl cyflawni lladrad yn defnyddio cyllell.
Cyflawnodd Brynley Stephens, 54 oed, o Gendros, yr ymosodiad mewn eiddo ar Ffordd Maesglas, gan orfodi ei ddioddefwr i roi ei waled, allweddi ei gar a'i ffôn symudol iddo.
Yn ystod y digwyddiad, daliodd Stephens gyllell yn erbyn gwddf y dioddefwr, gan achosi anaf iddo.
Cafodd ddedfryd estynedig o wyth mlynedd yn y carchar.
Dywedodd y Ditectif Ringyll Richard Jones:
"Cyflawnodd Brynley Stephens yr ymosodiad direswm hwn heb unrhyw rybudd. Gallai'r dioddefwr fod wedi bod yn unrhyw aelod o'r cyhoedd, sy'n ei wneud yn ddyn peryglus iawn.
"Cafodd ddedfryd sylweddol am gyflawni'r lladrad hwn, o ganlyniad i'w gofnod blaenorol ofnadwy a'i gymeriad.
"Mae'n rhoi tawelwch meddwl gwybod y bydd unigolyn o'r fath bellach yn y carchar am gyfnod sylweddol o amser, ac na fydd yn gallu cyflawni unrhyw droseddau pellach yn derbyn dioddefwyr diniwed."