Carcharu dyn o Abertawe ar ôl iddo gyflawni nifer o droseddau

Mae dyn o Abertawe wedi cael ei garcharu ar ôl cael ei ganfod yn euog o nifer o droseddau gan gynnwys ymosodiad.

Gwnaeth Benjamin Llewellyn, 39 oed o Fôn-y-maen, ddyrnu ei bartner ar y pryd, a oedd yn eistedd mewn cerbyd wedi'i barcio ar y stryd ar 17 Rhagfyr 2024. Cafodd y digwyddiad ei weld gan aelod o'r cyhoedd.

Roedd ganddo hefyd gyllell glec yn ei feddiant yn ystod y digwyddiad.

Ym mis Chwefror eleni, gwelodd swyddogion Llewellyn yn ymddwyn yn amheus ar y stryd. Pan gafodd ei ddal yn fuan wedyn, gwnaeth swyddogion ddarganfod ei fod wedi ceisio cuddio waled a oedd yn cynnwys bagiau mawr o bowdr a thabledi, yn ogystal â swm o arian parod, drwy ei thaflu dros ffens gardd gyfagos.

Plediodd Llewellyn yn euog i fod â chyffuriau Dosbarth A yn ei feddiant gyda'r bwriad o'u cyflenwi, bod ag eitem lafnog yn ei feddiant mewn lle cyhoeddus, bod ag eiddo troseddol yn ei feddiant ac ymwneud â chyflenwi cyffuriau Dosbarth A.

Hefyd, cafodd ei ganfod yn euog o ymosod, ar ôl pledio'n ddieuog i'r drosedd hon.

Mae wedi cael ei ddedfrydu i 51 mis yn y carchar.

Dywedodd y Ditectif Ringyll Luke Tucker:

"Mae troseddau Benjamin Llewellyn yn amrywio'n fawr ac nid oes arwyddion ei fod am stopio.

"O drais corfforol i gyflenwi cyffuriau ar ein strydoedd, mae ei weithgarwch troseddol yn peri gofid mawr i bawb sy'n dod i gysylltiad ag ef.

"O ganlyniad bydd yn treulio cyfnod sylweddol arall yn y carchar."