Carcharu dyn o Abertawe ar ôl dod o hyd i negeseuon am gyflenwi cyffuriau
Cynnwys y prif erthygl
Mae dyn o Abertawe wedi cael ei garcharu am ymwneud â chyflenwi cyffuriau Dosbarth A.
Cafodd Liam Devois, 19 oed o Drefansel, ei adnabod yn ystod ymchwiliad nad oedd yn gysylltiedig ag ef pan gafodd ei negeseuon mewn perthynas â chyffuriau eu gweld ar ffôn symudol.
Ym mis Mawrth, aeth swyddogion i'w gyfeiriad cartref, lle daethpwyd o hyd i symiau o cetamin a chanabis ynghyd â nifer o eitemau cyfarpar cyffuriau.
Roedd ffôn Devois yn cynnwys tystiolaeth ohono yn hysbysebu cyffuriau gan gynnwys cocên ar werth.
Mae wedi cael ei ddedfrydu i bedair blynedd mewn sefydliad i droseddwyr ifanc.
Dywedodd y Ditectif Ringyll Luke Tucker:
“Mae rhan Liam Devois yn y fasnach gyffuriau anghyfreithlon bellach wedi costio blynyddoedd o'i ryddid.
“Yn amlwg, nid yw wedi dysgu ei wers o'i ddedfryd flaenorol am drosedd debyg.
“Nid yw delio cyffuriau yn talu. Yr unig wobr y bydd delwyr cyffuriau yn ei chael yw dedfryd hir o garchar.”