Carcharu brodyr o Abertawe yn dilyn lladrad yng ngolau dydd

Mae dau frawd o Abertawe wedi cael eu carcharu yn dilyn lladrad a achosodd i'r dioddefwr gael ffit epileptig.

Mynnodd James Holt, 44oed a Nicholas Holt, 37 oed, o Sandfields, gael arian gan eu dioddefwr ar ôl iddo adael siop gwystlo yng nghanol y ddinas. Yn fuan wedyn, ymosododd y brodyr ar y dioddefwr mewn archfarchnad ym Mharc Tawe, lle gwnaethant ddwyn ei arian ac allwedd ei dŷ.

Mae'r ddau wedi cael eu dedfrydu i 27 mis yn y carchar.

Dywedodd y Ditectif Ringyll James Llewellyn:

"Mae James a Nicholas Holt yn fwlis a geisiodd godi ofn ar eu dioddefwr, sy'n unigolyn agored i niwed a rheoli ei weithredoedd.

"Dyma oedd y drosedd ddiweddaraf ar restr enfawr o droseddau sydd yn eu herbyn. Nid yw'n ymddangos eu bod byth yn dysgu eu gwers, ac maen nhw nawr yn cael eu cosbi eto drwy gael cyfnod sylweddol yn y carchar."