Dyn o Henffordd wedi'i gyhuddo o geisio llofruddio yn dilyn digwyddiad ym Merthyr

Cafodd Heddlu De Cymru alwad ychydig ar ôl 10pm ddydd Llun 10 Chwefror yn nodi bod dyn 28 oed wedi dod i ysbyty ym Merthyr ag anafiadau trywanu.

Cafodd George Miles-Williams, 23 oed o Henffordd, ei gyhuddo o geisio ei lofruddio a chafodd ei gadw yn y ddalfa. Cafodd dwy fenyw o Henffordd, 54 oed a 22 oed, eu harestio ar amheuaeth o helpu troseddwr a chawsant eu rhyddhau ar fechnïaeth er mwyn cynnal ymholiadau pellach.

Dywedodd y Ditectif Prif Arolygydd James Morris:

"Rwy'n deall bod digwyddiadau fel hyn yn peri gofid i'r cyhoedd, ond hoffwn roi sicrwydd i'r gymuned leol mai digwyddiad unigol penodol oedd hwn, yn ôl pob tebyg, er ei fod yn amlwg wedi bod yn drawmatig iawn i'r dioddefwr, ei deulu a'i ffrindiau.

"Mae Miles-Williams wedi cael ei gyhuddo ac yn cael ei gadw yn y ddalfa. Mae ymchwiliad trylwyr yn parhau er mwyn canfod yn union beth ddigwyddodd y noson honno."