Dyn wedi ei gyhuddo o geisio llofruddio yn dilyn digwyddiad yng Ngorsaf Heddlu Tonysguboriau
Cynnwys y prif erthygl
Cyn 7pm neithiwr, nos Wener 31 Ionawr, aeth dyn i Orsaf Heddlu Tonysguboriau a dechrau difrodi cerbydau'r heddlu.
Heriodd swyddogion y dyn ac yn ystod cyfnod treisgar cafodd tri swyddog eu hanafu. Aethpwyd â dau swyddog i'r ysbyty a cafodd y ddau driniaeth am eu hanafiadau. Mae'r ddau swyddog wedi cael eu rhyddhau ers hynny.
Mae Alexander Stephen Dighton, dyn 27 oed o Lantrisant wedi ei gyhuddo o saith trosedd. Bydd yn ymddangos gerbron Llys Ynadon Merthyr bore yfory, dydd Llun 03 Medi, am 10am.
Mae ei droseddau yn cynnwys:
- Ceisio llofruddio
- Ymosod ar weithiwr gwasanaeth brys
- Ymosodiad
- Tanau bwriadol
- Difrod troseddol
- Meddu ar arf ymosodol
- Meddu ar gyllell/eitem lafnog
Dywedodd y Prif Uwcharolygydd, Stephen Jones: "Hoffwn ddiolch i'r gymuned leol a'r cyhoedd ehangach am eu cefnogaeth a'u pryder am y swyddogion a fu'n rhan o'r digwyddiad. Mae ein swyddogion wedi dangos dewrder a meddwl chwim yn ystod y ffrae, ac er eu bod wedi eu hysgwyd, rwy'n falch o ddweud na chafodd yr un o'r swyddogion a fu'n rhan o'r digwyddiad anafiadau mawr."