Cymuned yn sefyll yn unedig yn erbyn fandaliaid
Cynnwys y prif erthygl
Does dim neges gryfach i droseddwyr na phan mae cymuned yn sefyll yn unedig.
A dyna'n union sydd wedi digwydd yn Y Barri, lle mae disgyblion, rhieni a gwirfoddolwyr wedi ymuno â'r Tîm Plismona Bro leol i roi gwybod i fandaliaid na fyddan nhw'n ennill.
Cafodd disgyblion Ysgol Gynradd Tregatwg eu dryllio i ddarganfod bod eu gardd ddirgel, lle maen nhw wedi bod yn tyfu cnydau a phlanhigion, wedi cael ei fandaleiddio yn ddiweddar.
Roedd y rhai oedd yn gyfrifol wedi ceisio llosgi sied, gan adael marciau llosg lluosog, ac wedi difrodi'r dodrefn a dinistrio'r ardd.
Ar ôl i'r heddlu cael gwybod, cafodd patrolau ychwanegol eu rhoi ar waith gyda'r nos a chafodd y rhai a ddrwgdybir eu hadnabod yn gyflym. Mae ymchwiliad yn parhau.
Gwrthododd yr ysgol ddiolchgar gael ei threchu ac yn hytrach trodd eu hymdrechion i ailadeiladu.
Cynhalion nhw ddiwrnod gwirfoddoli lle ymunodd rhieni ac aelodau'r gymuned i helpu i lanhau'r llanast ac atgyweirio'r difrod. Ac, fel diolch, paratôdd y disgyblion ifanc bwyd i'r rhai a ddaeth i'w cefnogi.
 |
 |
 |
 |
 |
 |
Roedd PCSO Lloyd Bridgeman, a oedd yn gyfrifol am ddod o hyd i'r rhai dan amheuaeth, ymhlith y rhai a fynychodd y diwrnod gwirfoddoli. Meddai:
"Roedd yn galonogol iawn gweld y gymuned yn dod at ei gilydd i helpu'r ysgol i ailadeiladu ac roedd yn bleser mawr cael bod yn rhan o hynny.
"Nid yn unig y gwnaeth anfon neges gref at y disgyblion, eu bod yn rhan o gymuned gefnogol ac arbennig iawn, mae hefyd wedi anfon neges at y rhai sy'n credu bod ymddygiad troseddol a gwrthgymdeithasol o'r fath yn dderbyniol.
"Mae gweithredoedd di-hid a disynnwyr o'r fath yn cael effaith ddinistriol ar y rhai yr effeithir arnynt, a byddwn yn parhau i weithio ochr yn ochr â'n cymunedau i fynd i'r afael â throseddau fel hyn."