Arestio dyn yn dilyn adroddiadau am gyfathrebu maleisus yn Aberpennar

Cafodd Heddlu De Cymru ei alw cyn 9am fore heddiw i adroddiadau am gyfathrebu maleisus tuag at eiddo ar y Stryd Fawr yn Aberpennar.

Dywedodd y Prif Arolygydd Matthew Rowlands:

“Rydym yn cymryd cyfathrebu o'r math hwn o ddifrif ac mae dyn 43 oed o Aberpennar yn nalfa'r heddlu ar hyn o bryd, wedi iddo gael ei arestio ychydig ar ôl y digwyddiad.
“Does neb wedi cael ei anafu, ac mae ymchwiliad yn mynd rhagddo, ond mae'r ffordd ar gau ar hyn o bryd i'r ddau gyfeiriad rhwng Graig Street a Pryce Street wrth i swyddogion barhau i ymdrin â'r digwyddiad.
“Bydd nifer o swyddogion yn aros yn yr ardal i roi sicrwydd a chymorth drwy'r dydd tra hefyd yn helpu gyda'r ymchwiliad.
“Diolch i'r rhai yr effeithiwyd arnynt gan gordonau'r heddlu am eu cydweithrediad wrth i ymholiadau barhau.”