Dyn o Abertawe wedi'i garcharu ar ôl cyfres o achosion o ddwyn a bod â chyffuriau yn ei feddiant
Cynnwys y prif erthygl
Mae dyn o Abertawe wedi cael ei garcharu ar ôl pledio'n euog i gyfres o achosion o ddwyn a bod â chyffuriau yn ei feddiant, gan gynnwys achos o ddwyn cyfanswm o £1,000 o olchfa yn y ddinas.
Ar 7 Medi 2024, gwnaeth Ross Philippart, 43 oed o Strand yng nghanol y ddinas, fynd i mewn i Uplands Laundrette a dwyn bag llaw o'r tu ôl i'r cownter.
Roedd y bag ei hun yn werth £100, ac roedd yn cynnwys modrwy aur gwerth £700 a £200 mewn arian parod. Ar ôl ymholiadau helaeth, cafodd Philippart ei arestio a'i gyhuddo o ddwyn ar 18 Medi.
Ymddangosodd gerbron Llys Ynadon Abertawe ar 2 Ionawr, gan bledio'n ddieuog yn wreiddiol ond yna newid ei ble i euog.
Ar 3 Ionawr, cafodd ei ddedfrydu i chwe mis yn y carchar.
Dywedodd Cwnstabl yr Heddlu Scott Morris:
"Mae gan ein busnesau lleol yr hawl i deimlo'n ddiogel, ac ni fyddwn yn goddef troseddau o'r natur hon.
“Byddwn yn arestio'r troseddwyr ac yn eu dwyn i gyfrif.”