Dyn o Abertawe wedi'i garcharu am gyflenwi cyffuriau Dosbarth A

Mae dyn o Abertawe wedi cael ei garcharu am ei rôl yn cyflenwi cyffuriau Dosbarth A.

Cafodd Keiran Pugh, 22 oed o ganol y ddinas, ei arestio yn dilyn gweithgarwch stopio traffig yn ardal Castell-nedd, pan sylwodd swyddogion ar arogl cryf o ganabis yn dod o'r cerbyd. Daethpwyd o hyd i ddau fag clir o gocên yn ei waled. Daethpwyd o hyd i bedwar bag arall yn ei ddillad isaf pan gafodd ei chwilio gan swyddogion mewn gorsaf heddlu.

Daethpwyd o hyd i sylweddau pellach yn ei gyfeiriad, yn ogystal â swm sylweddol o arian parod.

Mae wedi cael ei ddedfrydu i 30 mis yn y carchar, yn ogystal â dau fis ychwanegol o ddedfryd ohiriedig flaenorol sydd wedi'i gweithredu.

Dywedodd y Ditectif Ringyll Heather Southway:

"Roedd gan Keiran Pugh swm sylweddol o sylweddau, gan gynnwys cocên, yn ei feddiant, ac mae'n amlwg ei fod yn bwriadu gwerthu'r rhain i eraill.

“Mae hyn yn achos arall sy'n tynnu sylw at y ffaith nad yw troseddau cyffuriau yn talu. Byddwn yn adnabod unrhyw un sy'n ymwneud â'r fasnach gyffuriau anghyfreithlon, ac fel Keiran Pugh, byddwch yn cael eich anfon i'r carchar.”