Dyn o Abertawe wedi'i garcharu ar ôl gwthio dyn arall i lawr grisiau
Cynnwys y prif erthygl
Mae dyn o Abertawe wedi cael ei garcharu ar ôl gwthio dyn arall i lawr rhes o risiau gan achosi anafiadau y bu'n rhaid eu trin yn yr ysbyty.
Cyflawnodd Stefan Cambriani, 35 oed o Sgeti, y drosedd ar safle yn Uplands ar Ddydd San Steffan 2023.
Mae wedi cael ei ddedfrydu i naw mis yn y carchar am glwyfo anghyfreithlon/achosi niwed corfforol difrifol heb fwriad.
Dywedodd y Rhingyll Kelly Richards:
“Mae Stefan Cambriani yn ffodus nad oedd yr anafiadau a achosodd i'w ddioddefwr yn fwy difrifol byth.
“Mae hyn yn achos arall sy'n tynnu sylw at effeithiau negyddol o yfed gormod o alcohol ar noson allan.
“Rydym yn gobeithio y bydd Stefan yn meddwl yn ofalus iawn am ei weithredoedd tra bydd yn y carchar, ac y bydd yn dysgu'r wers bwysig nad yw trais byth yn dderbyniol.”