Carcharu dynion o Abertawe am ymwneud â chyflenwi cyffuriau Dosbarth A

 

Mae dau ddyn o Abertawe wedi cael eu carcharu am eu rolau yn cyflenwi cyffuriau Dosbarth A.

Cafodd Luke Williams, 28 oed o Strand yng nghanol y ddinas, a Leon Beynon, 30 oed o'r Cocyd, eu dedfrydu i 48 mis a 32 mis yn y drefn honno.

Cafodd Williams ei arestio ar 23 Rhagfyr ar ôl iddo gael ei weld yn rhoi arian ar ffôn symudol yr oedd negeseuon yn cael eu hanfon ohono at ddefnyddwyr cyffuriau. Yn dilyn hyn, cynhaliwyd chwiliad o dan warant yng nghyfeiriad cartref Beynon.

Daethpwyd o hyd i'r ffôn symudol a gafodd ei ddefnyddio gan Williams i roi arian arno yng nghyfeiriad Beynon. Roedd yn cynnwys cyfathrebiadau rhwng Beynon a Williams o ran olrhain a chyflenwi heroin a chrac cocên.

Cafodd symiau o ganabis ac arian parod hefyd eu hatafaelu o gyfeiriadau'r ddau ddyn.

Dywedodd y Ditectif Ringyll Luke Tucker:

"Dyma'r enghraifft ddiweddaraf o'r gwaith rydym yn ei wneud i amharu ar weithgarwch y rhai sydd yn y fasnach gyffuriau anghyfreithlon.

"Mae cyffuriau Dosbarth A, fel yr heroin a'r crac cocên roedd Luke Williams a Leon Beynon yn gweithio i'w dosbarthu i'r gymuned leol, yn dinistrio bywydau. Maent nid yn unig yn dinistrio bywydau'r rhai sy'n eu prynu, ond bywydau eu teulu a ffrindiau hefyd.

"Bydd Heddlu De Cymru yn gweithio bob amser i ddwyn y rhai sy'n ymwneud â'r gweithgaredd anghyfreithlon hwn i gyfrif."