Carcharu dyn o Swydd Hertford a oedd yn rhedeg llinell gyffuriau yn Abertawe

Mae dyn o Swydd Hertford wedi cael ei garcharu ar ôl rhedeg llinell gyffuriau yn ardal Abertawe.

Cafodd Omar Gul, 36 oed, ei stopio gan swyddogion a chanfuwyd tua 60 o roliau yn ei feddiant yn cynnwys cymysgedd o grac cocên a heroin, yn ôl pob golwg.

Roedd ganddo hefyd ddau ffôn symudol yn ei feddiant, gydag un yn weithgar iawn o ran derbyn galwadau.

Mae wedi cael ei ddedfrydu i chwe blynedd yn y carchar am fod â chrac cocên a heroin yn ei feddiant gyda'r bwriad o'u cyflenwi.

Dywedodd y Rhingyll Luke Tucker:

“Roedd Omar Gul wedi dod i ardal Abertawe yn unswydd i werthu cyffuriau Dosbarth A i'r gymuned leol.

“Nid oedd yn poeni dim am yr effaith y byddai'r cyffuriau hyn yn ei chael ar y rhai oedd yn eu prynu, nac ar eu teuluoedd, eu ffrindiau, a'u cymdogion.

“Gydag Omar Gul yn y carchar, mae cymuned Abertawe bellach yn lle mwy diogel.”