Carcharu dyn o Abertawe am ymwneud â chyflenwi cyffuriau Dosbarth A

Mae dyn o Abertawe wedi cael ei garcharu am ymwneud â chyflenwi cyffuriau Dosbarth A.

Cafodd Grant Lester, 37 oed o Glydach, ei weld yn gyrru ei gerbyd mewn modd amheus ac roedd yn ymddangos fel petai yn ceisio osgoi'r heddlu. Pan ddaeth swyddogion o hyd i Lester mewn cyfeiriad yn y Glais, cafodd swm o gocên ei ddarganfod o dan ei sedd, ynghyd â ffon symudol Lester, a oedd yn cynnwys tystiolaeth o ddelio cyffuriau.

Mae wedi cael ei ddedfrydu i dair blynedd a dau fis yn y carchar am fod â chyffuriau Dosbarth A yn ei feddiant gyda'r bwriad o'u cyflenwi.

Dywedodd y Rhingyll Luke Tucker:

“Gwyddai Grant Lester fod ei ran yn y fasnach gyffuriau anghyfreithlon yn anghywir, a cheisiodd guddio hyn rhag y swyddogion pan gafodd ei ddal drwy guddio cyffuriau a'i ffôn symudol o dan ei sedd.

“Fel pobl eraill sy'n ymwneud â'r gweithgaredd anghyfreithlon hwn, roedd ond yn pryderu am ei elw ariannol ei hun, heb boeni am y diflastod y mae'r cyffuriau hyn yn ei achosi i'r gymuned leol.

“Rydym yn gobeithio y bydd Grant yn meddwl am ei weithredoedd yn y carchar ac yn newid ei ffyrdd.”