Cafodd dyn 27 oed o Lantrisant ei arestio yn dilyn aflonyddu yng Ngorsaf yr Heddlu Tonysguboriau

Cyn 7pm neithiwr, nos Wener 31 Ionawr, aeth dyn i Orsaf Heddlu Tonysguboriau a dechrau difrodi cerbydau'r heddlu.

Heriodd swyddogion y dyn ac yn ystod cyfnod treisgar cafodd tri swyddog eu hanafu. Aethpwyd â dau swyddog i'r ysbyty a cafodd y ddau driniaeth am eu hanafiadau. Mae'r ddau swyddog wedi cael eu rhyddhau ers hynny.

Cafodd dyn 27 oed lleol o Lantrisant ei arestio ar amheuaeth o ymosod, am gynnau tanau bwriadol ac achosi difrod troseddol. Mae'n parhau i fod yn nalfa'r heddlu. 

Dywedodd y Prif Uwcharolygydd, Stephen Jones: "Yn gyntaf hoffwn ddiolch i'r gymuned leol a'r cyhoedd ehangach am eu cefnogaeth a'u pryder am y swyddogion a fu'n rhan o'r digwyddiad. Mae ein swyddogion wedi dangos dewrder a meddwl chwim yn ystod y ffrae, ac er eu bod wedi eu hysgwyd, rwy'n falch o ddweud na chafodd yr un o'r swyddogion a fu'n rhan o'r digwyddiad gael anafiadau mawr.

"Rydym ar gamau cynnar o'n hymchwiliadau ac ar hyn o bryd nid yw cymhelliad yr ymosodiad yn glir. Rydym yn gweithio i geisio deall yr amgylchiadau llawn, ond yn credu fod hyn yn ymosodiad lleol wedi'i dargedu a oedd wedi'i anelu tuag at yr heddlu.

"Rwy'n gwerthfawrogi y bydd hyn wedi achosi sioc a phryder yn amlwg yn y gymuned leol. Fodd bynnag, hoffwn ei gwneud yn glir nad oes unrhyw beth i awgrymu nad oes unrhyw fygythiadau ehangach i'r cyhoedd."