Teyrnged i ddioddefwr gwrthdrawiad traffig ffyrdd angheuol ym Mhen-y-bont ar Ogwr
Cynnwys y prif erthygl
Mae Heddlu De Cymru yn parhau i ymchwilio i wrthdrawiad traffig ffyrdd angheuol a ddigwyddodd am 1:50 PM, ddydd Mawrth 1 Gorffennaf 2025, ar yr A4106 Bridgend Road yn Llandudwg, Pen-y-bont ar Ogwr.
Roedd y digwyddiad yn cynnwys gyrrwr beic modur Triumph Speed Triple RS arian a gyrrwr Land Rover Defender coch. Mae swyddogion o'r uned ymchwilio i wrthdrawiadau difrifol yn annog unrhyw un a welodd y gwrthdrawiad neu sydd â deunydd camera dashfwrdd neu deledu cylch cyfyng perthnasol i gysylltu â ni.
Maent yn arbennig o awyddus i siarad â pherchnogion oedrannus Honda Civic melyn a stopiodd wrth safle'r gwrthdrawiad ond a adawodd cyn i'r heddlu gyrraedd, oherwydd gallai fod ganddynt wybodaeth werthfawr am y gwrthdrawiad.
Yn ogystal, anogir gyrrwr car bach llwyd a oedd yn troi i'r dde i mewn i Gartref Gofal Dan-y-Graig i gysylltu â ni hefyd, oherwydd gallai fod wedi gweld y beic modur Triumph yn ystod yr eiliadau cyn y digwyddiad.
Cafodd Kenneth Bright, gyrrwr y beic modur Triumph, ei gludo i'r ysbyty mewn ambiwlans ond yn anffodus bu farw ar 4 Awst 2025.
Mae teulu Kenneth wedi talu'r deyrnged ganlynol iddo
“Mae'n dristwch mawr gennym gyhoeddi marwolaeth Kenneth Charles Bright o Lanhari, a fu farw ar 4 Awst. Fel tad, tad-cu, brawd, a mab annwyl, mae ei golled wedi ein gadael mewn sioc a bydd ei deulu annwyl a'i ffrindiau lu yn gweld ei eisiau'n fawr.
“Mae ei farwolaeth sydyn wedi bod yn anodd ei hamgyffred ond rydym yn cael cysur o wybod ei fod bellach mewn hedd.
“Hoffem ddiolch o waelod calon i'r gwasanaeth ambiwlans a'r staff anhygoel yn Ysbyty Athrofaol Cymru. Ni fyddwn byth yn anghofio eu tosturi a'u hymdrechion diflino. Bu eu hymroddiad yn gysur mawr i ni yn ystod yr amseroedd anoddaf, a byddwn yn fythol ddiolchgar.”
Cynhelir angladd Ken ym Mynwent Llanhari ar 29/08/2025 am 11am.
Os oes gennych unrhyw wybodaeth neu ddeunydd camera dashfwrdd mewn perthynas â'r gwrthdrawiad hwn, cysylltwch â ni gan ddyfynnu rhif digwyddiad: 2500208308.