Swyddog nad oedd ar ddyletswydd yn dal gyrrwr dan ddylanwad alcohol

Ymddangosodd dyn o Abertawe gerbron y llys, ar ôl iddo gael ei ddalyn gyrru bron i bedair gwaith dros y terfyn alcohol - gan gymydog a oedd yn swyddog yr heddlu nad oedd ar ddyletswydd.

Plediodd Patrick Willey, 56, yn  euog i un cyhuddiad o yrru dan ddylanwad yn Llys Ynadon Abertawe'r wythnos diwethaf.

Clywodd y llys pan gafodd ei stopio ar stryd dawel, roedd gan Willey 132 microgram o alcohol mewn 100 mililitr o anadl. Y terfyn cyfreithiol yw 35 microgram.

Cafodd ei dedfrydu i 12 wythnos yn y carchar, wedi'i gohirio am 12 mis, a rhaid iddo dalu costau'r llys.

Dywedodd PC Andy Goodhall - y swyddog a stopiodd Willey ar ei gweld yn gyrru ar ôl yfed alcohol - mai preswylwyr lleol oedd ei brif ystyriaeth.

"Ni d oeddwn un medru anwybyddu rhywbeth fel hyn gan fod plant ifanc yn chwarae yn y stryd, a dylen nhw ei fod yn ddiogel wrth wneud hynny.

"Pan brofon ni anadl y gyrrwr,  roedd y darlleniad yn un o'r uchaf rwyf erioed wedi'i arestio yn ystod 29 mlynedd o wasanaeth. Dwi'n ddiolchgar roeddwn i yn y lle cywir ar y pryd, ac yn medru ymyrryd. Gallai'r canlyniadau fod wedi bod llawer yn waeth".

Ychwanegodd yr Arolygydd Rob Blunt:

"Mae gweithredoedd PC Goodhall yn dangos ein bod ni, fel swyddogion, byth oddi ar ddyletswydd yn wirioneddol.

"Roedd diogelwch y gymuned ehangach yn hollbwysig iddo'r diwrnod hwnnw, ac er iddo fyw yn agos at y gyrrwr, gweithiodd heb ofn nac ffafr a dangosodd y math o uniondeb y mae ein swyddogion yn ei ddangos bob dydd."

Mae gyrru dan ddylanwad alcohol yn un o brif achosion gwrthdrawiadau ffyrdd difrifol yng Nghymru. Fel y dangosodd y swyddog hwn, rydym wedi ymrwymo i wneud popeth yn ein gallu i gadw ein ffyrdd yn ddiogel i bawb, a dwyn y rhai sy'n torri'r gyfraith o flaen y llysoedd.