Dyn yn pledio'n euog i lofruddio Leanne Williams yn ardal Townhill, Abertawe

Mae dyn o Abertawe wedi pledio'n euog i lofruddio Leanne Williams, 47 oed, yn gynharach eleni.

Ymddangosodd Matthew Battenbough, 33 oed heb gartref sefydlog, gerbron Llys y Goron Abertawe heddiw (Dydd Llun 18 Awst).

Bydd yn cael ei ddedfrydu ddydd Gwener 26 Medi.

Cafodd corff Leanne Williams ei ddarganfod gan swyddogion yn ei chartref ar Gomer Road, Townhill, ddydd Iau 27 Chwefror. Nododd post mortem gan y Swyddfa Gartref anafiadau sylweddol sy'n nodweddiadol o ymosodiad.

Dywedodd y Ditectif Arolygydd David Butt:

“Roedd y newyddion am farwolaeth Leanne yn dorcalonus i'w theulu a chymunedau ehangach Townhill ac Abertawe.

“Mae aelodau teulu Leanne yn cael eu cefnogi gan swyddogion sydd wedi cael hyfforddiant arbenigol. Rydym yn gobeithio y bydd ple euog Matthew Battenbough yn rhoi rhywfaint o ryddhad iddynt yn dilyn y cyfnod trawmatig hwn.”