DIWEDDARIAD | Arestio unigolyn wrth ymchwilio i lofruddiaeth yn Llaneirwg
Cynnwys y prif erthygl
Mae'r heddlu yng Nghaerdydd sy'n ymchwilio i farwolaeth dyn 43 oed yn ardal Llaneirwg o'r ddinas wedi arestio dyn 20 oed o ardal Trowbridge ar amheuaeth o lofruddiaeth.
Ymatebodd y gwasanaethau brys i adroddiadau am achos o drywanu ar Heol Trostre am tua 4pm ddydd Mawrth, 12 Tachwedd.
Dywedodd y Ditectif Uwch-arolygydd Paul Raikes o'r Tîm Ymchwilio i Droseddau Mawr:
“Mae dyn wedi cael ei arestio ar amheuaeth o lofruddiaeth.
“Rydym yn parhau i ymchwilio i'r mater ac yn apelio at unrhyw dystion a oedd yn ardaloedd Heol Trostre a Coleford Drive o Laneirwg am tua 4pm ddydd Mawrth i gysylltu â ni gyda gwybodaeth, ni waeth pa mor ddibwys y gall y wybodaeth honno fod yn eu barn nhw.
“Rydym hefyd yn gofyn i unrhyw un sydd â deunydd fideo oddi ar ffôn symudol neu CCTV gysylltu â ni.”
Gellir cyflwyno gwybodaeth a deunydd fideo ar-lein drwy ddefnyddio'r ddolen ganlynol: