Tri dyn o Gaerdydd wedi'u carcharu am ddwyn cerbyd modur a lladrad.

Tua 12:35pm ddydd Mercher, 31 Hydref 2023, tra roedd wrth y pedwar safle bws ar gyffordd Heol y Gogledd â chylchfan Gabalfa, daeth y dioddefwr wyneb yn wyneb â Tom Price Jnr, a chafodd ei fan gwaith ei dwyn.

Dywedodd y dioddefwr wrth yr heddlu ei fod yn glanhau'r trydydd safle bws gyda'i gefn yn wynebu'r fan. Yna, clywodd Tom Price Jnr yn gweiddi “WHERE ARE THE KEYS”. Trodd y dioddefwr i'w wynebu, ac ailadroddodd Tom yn ymosodol “WHERE ARE THE KEYS” ddwy neu dair gwaith arall. 

Sylwodd y dioddefwr fod ganddo rywbeth sgleiniog, 3-4 modfedd o hyd, yn ei law, ac roedd yn credu mai cyllell ydoedd ar y pryd. Gan ei fod yn ofni y gallai ddioddef trais, ymatebodd drwy ddweud bod yr allweddi yn y fan.

Rhedodd Tom Price Jnr at y fan a neidiodd i sedd y gyrrwr, gan danio'r cerbyd a gyrru i ffwrdd i gyfeiriad cylchfan Gabalfa.

Bu Tom Price Jnr wedyn yn rhan o achos arall o ddwyn fan, y tro hwn o garej yng Nghaerdydd, ar y cyd â Tom Price Snr a Kevin Price.

Daeth y tri i edrych ar gerbyd, a phan oeddent yn eistedd yn y cerbyd, gwnaethant gyfnewid yr allweddi a dwyn y fan.

Llwyddodd y swyddogion i adnabod y tri unigolyn dan amheuaeth drwy ddeunydd teledu cylch cyfyng helaeth, a gwnaethant lwyddo i ddod o hyd i ddeunydd camera dangosfwrdd y cerbyd a gafodd ei ddwyn.

Plediodd Tom Price yn euog ac ar , cafodd ddedfryd o 27 mis am ddwyn cerbyd modur yn Llys y Goron Caerdydd ddydd Mawrth Tachwedd 12.

Plediodd Thomas Price yn euog ac ar , cafodd ddedfryd o 21 mis am ddwyn cerbyd modur yn Llys y Goron Caerdydd ddydd Mawrth Tachwedd12.

Plediodd Kevin Price yn euog ac ar , cafodd ddedfryd o 21 mis am ddwyn cerbyd modur yn Llys y Goron Caerdydd ddydd Mawrth Tachwedd12.