Menyw goll Charlene Hobbs: Datganiad gan y teulu a llun teledu cylch cyfyng newydd

Mae teulu menyw o Gaerdydd sydd ar goll, Charlene Hobbs, yn apelio am wybodaeth wrth i dditectifs barhau i ymchwilio i'w diflaniad.

Cafodd Charlene, 35 oed o Lan yr Afon, ei gweld ddiwethaf ar deledu cylch cyfyng ddydd Mawrth 23 Gorffennaf yn siop Morrisons Local ar Moira Place, Adamsdown.

Mewn datganiad, dywedodd teulu Charlene:

“Charlene, rydym yn ysu i dy gael di gartref. Rydym wedi bod allan yn chwilio amdanat ti a byddwn yn parhau i wneud popeth o fewn ein gallu i ddod o hyd i ti, ac i ddeall beth a allai fod wedi digwydd.

“Gofynnwn i unrhyw ffrindiau i Charlene neu unrhyw un a allai fod yn ei hadnabod, a allai fod ag unrhyw wybodaeth am ei diflaniad i gysylltu â ni.”

Ers cael gwybod bod Charlene ar goll ar 23 Hydref, mae swyddogion wedi cynnal amrywiaeth o ymholiadau gan gynnwys chwiliadau mewn sawl cyfeiriad, safleoedd diffaith, cerbydau, ac ardaloedd tir agored ledled Caerdydd.
Mae ymholiadau parhaus eraill yn cynnwys:

· O dŷ i dŷ
· Siarad â ffrindiau Charlene a phobl sy'n ei hadnabod.
· Archwiliad manwl o deledu cylch cyfyng yn yr ardaloedd a gwyddom fod Charlene yn mynd iddynt.

Mae dyn 45 oed a menyw 38 oed, y cawsant eu harestio mewn cysylltiad â'r ymchwiliad hwn, wedi'u rhyddhau ar fechnïaeth nes bydd ymchwiliadau pellach wedi cael eu cwblhau.

Dywedodd y Ditectif Brif Arolygydd Matt Powell, o Heddlu De Cymru:

"Ni allwn ddychmygu pa mor anodd yw hyn i deulu a ffrindiau Charlene, ac rydym yn parhau i wneud popeth o fewn ein gallu, gyda'r wybodaeth sydd ar gael, i ddod o hyd iddi. Rydym yn cadw meddwl agored o ran symudiadau a lleoliadau Charlene.

“Rydym yn hynod ddiolchgar i'r cyhoedd sydd wedi cysylltu â ni gyda gwybodaeth ac achosion posibl o'i gweld. Mae'r rhain i gyd yn cael eu hymchwilio iddynt yn llawn, ond yn anffodus ni chafwyd cadarnhad mai Charlene ydoedd, ac rydym yn parhau i fod yn bryderus iawn am ei llesiant.

"Gallai unrhyw wybodaeth, ni waeth pa mor ddibwys ydyw yn eich barn chi, ein helpu i ddod o hyd iddi felly cysylltwch â ni.”

Cysylltwch â Heddlu De Cymru gan ddyfynnu 2400353044.
Gellir cyflwyno gwybodaeth a deunydd fideo ar ddyfeisiau megis ffonau symudol, camerâu teledu cylch cyfyng, clychau drws neu gamerâu dashfwrdd drwy'r ddolen hon:   https://mipp.police.uk/operation/62SWP24B95-PO1

Neu

Sgwrs Fyw https://www.south-wales.police.uk/cy-GB
Cysylltwch â ni drwy https://bit.ly/SWPProvideInfo
Ffonio 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.