Ymchwiliad wedi'i lansio i ddigwyddiad ym Mae Caerdydd

Cafodd Heddlu De Cymru ei alw am 8.20pm nos Fercher 13 Tachwedd yn dilyn adroddiad o ffrae yn Las Iguanas ar Sgwâr Tacoma yng Nghei'r Fôr-forwyn, lle yr honnir y cafodd sylwedd cyrydol ei daflu.

Dywedodd y Ditectif Arolygydd Phil Marchant:

“Roedd pedwar dyn yn eistedd yn y bwyty pan redodd dau ddyn arall i mewn i'r bwyty a thaflu sylwedd atynt.Cafodd dodrefn eu codi a'u taflu hefyd.

“Yna rhedodd y pedwar dioddefwr gwrywaidd a'r ddau unigolyn gwrywaidd dan amheuaeth allan o'r bwyty.

“Rydym yn cydnabod bod y cyhoedd yn bryderus iawn yn dilyn y digwyddiad hwn. Fodd bynnag, ni roddwyd gwybod am unrhyw anafiadau ac, ar hyn o bryd, ni chredir bod yr hylif yn un niweidiol.

“Rydym ar ddeall bod y ddau barti wedi cael ffrae flaenorol mewn rhan arall o Gei'r Fôr-forwyn tua 6.15pm y noson honno, ac felly rydym yn credu bod hwn yn ymosodiad wedi'i dargedu.

“Mae ymchwiliadau yn parhau i adnabod y chwe dyn a dod o hyd iddynt.”

Hoffai swyddogion siarad ag unrhyw un a oedd yn Las Iguanas, neu yn ardal Sgwâr Tacoma, rhwng 6.15pm a 8.30pm a all fod â gwybodaeth a allai gynorthwyo eu hymchwiliadau.

Gallwch gysylltu â ni drwy un o'r ffyrdd canlynol, gan ddyfynnu rhif digwyddiad 2400378983.

• Sgwrs Fyw https://www.south-wales.police.uk/cy-GB/
• Ar-lein https://bit.ly/SWPProvideInfo
• 101 

*Ffoniwch 999 bob amser mewn argyfwng.*