Dyn o Bentre'r Eglwys wedi'i garcharu am ddelio cyffuriau Dosbarth A

Roedd David Sharp gartref pan ddaeth swyddogion o Uned Troseddau Cyfundrefnol Morgannwg Ganol i mewn i'w fflat ym Mhentre'r Eglwys ar 12 Medi, 2023.

Atafaelodd swyddogion ei ffôn symudol a daethant o hyd i dystiolaeth ar y ddyfais ei fod wedi bod yn delio cyffuriau Dosbarth A ers mis Ionawr 2023.

Cafodd ei arestio ac aethpwyd ag ef i'r ddalfa, a chafodd ei gyhuddo wedi hynny o ymwneud â chyflenwi cocên a chrac cocên.

Aeth y dyn 38 oed o Castle Court, Pentre'r Eglwys ymlaen i bledio'n euog i'r ddwy drosedd a chafodd ei garcharu am 30 mis yn Llys y Goron Merthyr Tudful ddydd Mercher 20 Tachwedd.