Cyn-ringyll yn dathlu ei 100fed pen-blwydd yng ngorsaf heddlu Pontardawe

Ddydd Iau, gwnaethom ddathlu 100fed pen-blwydd cyn-ringyll yr heddlu, Howard Arthur, yng ngorsaf heddlu Pontardawe.

Ymunodd Howard, o Gwm Clydach, â'r heddlu yn Ebrill 1952 a gwasanaethodd gymunedau Castell-nedd, Resolfen, Pontarddulais a Chilâ Uchaf. Mae'n cofio beicio o fferm i fferm bob mis i lofnodi llyfrau symudiadau gwartheg.

Wedi ei ddyrchafu yn rhingyll yn 1968, symudodd Howard i mewn i orsaf heddlu Pontardawe gyda'i deulu lle arhosodd nes iddo ymddeol yn 1980. Heddiw, dychwelodd i'w gyn-orsaf gyda'i ddau fab, Wynford a John, i ddathlu ei ganmlwyddiant ac i rannu ei gyfrinachau i aros yn ifanc.

Siaradodd y Prif Gwnstabl Cynorthwyol Joanna Maal yn y digwyddiad a rhoddodd anrheg arbennig i Howard ar ran yr heddlu.

Dywedodd:

“Roedd yn braf cwrdd â Howard heddiw yn ei gyn-orsaf ym Mhontardawe a'i glywed yn hel atgofion am wasanaethu cymunedau ar draws ardal orllewinol ein heddlu.

“Mae Howard yn ysbrydoliaeth, ac mae ei brofiadau yn ein galluogi i ddeall pa mor wahanol yw plismona heddiw o gymharu â phan oedd ef ar y rhawd.”