Dyn o Glydach wedi'i garcharu am droseddau rhyw yn erbyn plant

Mae dyn o Abertawe wedi cael ei garcharu ar ôl iddo gael ei ddyfarnu'n euog o sawl trosedd rhyw yn erbyn plant.

Mae Christopher Norris, 44 oed o Glydach, wedi cael ei ganfod yn euog o ddau achos o ymosodiad rhywiol, un achos o achosi neu ysgogi plentyn i ymgymryd â gweithgarwch rhywiol, ac un achos o gyfathrebu'n rhywiol â phlentyn.

Heddiw, mae wedi cael ei ddedfrydu i dri deg mis yn y carchar, ac mae hefyd wedi'i wneud yn destun Gorchymyn Atal Niwed Rhywiol (SHPO). Mae hefyd yn destun gorchymyn atal yn erbyn y dioddefwr am bum mlynedd. Bydd yn parhau ar y gofrestr troseddwyr rhyw am oes.

Dywedodd y Ditectif Gwnstabl Joanne Williams:

“Mae Christopher Norris yn unigolyn peryglus iawn a fanteisiodd ar ei ddioddefwr, sy'n blentyn, heb roi unrhyw ystyriaeth i'w lesiant.

“Rwy'n canmol dewrder y dioddefwr wrth roi gwybod am weithredoedd Christopher Norris, a oedd yn allweddol wrth helpu i'w ddwyn i gyfrif.

“Rwy'n gobeithio y bydd y ddedfryd hon yn rhoi rhywfaint o gysur i'r dioddefwr a'i deulu, y mae pob un ohonynt wedi bod drwy brofiad dychrynllyd.”