Carcharu dyn o Abertawe am ddwyn o siop yn gyson

Mae dyn o Abertawe wedi cael ei garcharu ar ôl dwyn o siop yn ei gymuned leol dro ar ôl tro.

Gwnaeth Daniel Rice, 30 oed o ganol dinas Abertawe, dargedu siop Tesco Express yn Nhreboeth yn gyson, gan ddwyn gwerth dros £4,000 o nwyddau.

Mae wedi ei ddedfrydu i chwe mis yn y carchar, a bydd ei ddedfryd yn cyd-redeg am 16 o droseddau unigol.

Mae hefyd wedi ei wneud yn destun Gorchymyn Ymddygiad Troseddol, gyda'r amod nad yw'n mynd i mewn i Tesco Express am gyfnod o dair blynedd.

Dywedodd y Rhingyll Craig Evans:

"Rydym yn cymryd camau gweithredu cyflym yn erbyn pobl sy'n dwyn o siopau yn ein cymunedau, gyda'r achos hwn yn un o'r enghreifftiau diweddaraf.

"Gwnaeth troseddau Daniel Rice dargedu'r un siop dro ar ôl tro, gan achosi gofid i'r staff. Yn dilyn ymchwiliad trylwyr gan ein tîm Ymgyrch Viscaria, yn arbennig swyddogion Pearson a Fritche, rydym yn falch na fydd yn rhaid i'r siop boeni amdano bellach wrth iddo ddechrau ar ei ddedfryd yn y carchar."