James Brogan: Teyrnged gan y teulu

Mae teulu James Brogan a fu farw o'r anafiadau a gafodd ar 12 Tachwedd wedi talu'r deyrnged ganlynol iddo:

"Roedd James yn 43 oed pan gafodd ei fywyd ei ddwyn ohono, ac yntau'n dal yn ddyn ifanc.

“Roedd James yn fab, yn frawd, yn ewythr, yn nai, yn gefnder annwyl iawn, ac yn dad balch o dri o blant. Ni chaiff James fyth y cyfle i weld ei blant yn tyfu eu teuluoedd eu hunain a bod yn dad-cu yn y ffordd y dylai fod. Ni fydd yr un ohonom yn ei weld yn galw heibio a chracio jôc a'n gwneud i chwerthin. Rydym i gyd yn dal yn ddioddefwyr, yn delio â'n colled enfawr.

“Nid oedd James yn berffaith, heb ei fai fel pob un ohonom, roedd yn ddynol, ond pe bai angen ei help arnoch, byddai yno yn ddifael, heb ddisgwyl dim yn ôl.

“I ni, roedd James yn hael, gofalgar, meddylgar, ac yn ddigrifwr. Roedd wrth ei fodd yn gwneud i chi wenu a chwerthin.

“Mae ein teulu, ein teulu estynedig a'n ffrindiau i gyd wedi cael eu heffeithio. Rydym i gyd wedi torri ac yn gweddïo, ymhen amser, y gallwn fyw gyda'r sefyllfa a orfodwyd arnom ni i gyd gan weithrediadau sadistaidd person arall.

“Gobeithio ymhen amser y byddwn ond yn cofio'r amserau da, yr adegau gorau a dreuliwyd gyda James.

“Ni chaiff James Brogan fyth ei anghofio gan ei anwyliaid, ei deulu a'i ffrindiau. Rydym yn gweddïo y caiff y cyfiawnder y mae'n ei haeddu ac y caiff orffwys mewn hedd."

Ymddangosodd Georgie Tannetta, 20 oed, o ardal Trowbridge yng Nghaerdydd gerbron y llys ddydd Mawrth 17 Rhagfyr lle plediodd yn ddieuog i lofruddiaeth a meddu ar eitem lafniog.

Mae dyddiad treial wedi ei drefnu ar 19 Mai 2025.