Dedfryd i droseddwr rhyw plant

Mae dyn 58 oed wedi ymddangos yn Llys y Goron Abertawe heddiw (Dydd Mercher, 11 Rhagfyr) wedi ei gyhuddo o droseddau rhyw plant gan gynnwys ceisio trefnu neu hwyluso trosedd rhyw plant, oedolyn yn ceisio cyfathrebu'n rhywiol â phlentyn a thorri Gorchymyn Atal Niwed Rhywiol.

Cafodd David Parton o Benarth ei arestio ym mis Hydref ar ôl trefnu cwrdd â phlentyn o dan 13 oed yn dilyn sgyrsiau ar-lein. Mae wedi ei anfon i'r carchar am.  Mae wedi cael ei anfon i garchar am chwe blynedd.

Yna bydd yn rhaid iddo dreulio pedair blynedd arall ar drwydded gan ei fod wedi'i farnu fel troseddwr peryglus gan ddod â chyfanswm y ddedfryd i 10 mlynedd. Mae ganddo hefyd Orchymyn Atal Niwed Rhywiol am oes, a bydd rhaid iddo gofrestru fel troseddwr rhyw am weddill ei oes.

Gwnaeth yr ymchwiliad a gynhaliwyd gan Tarian, sef Uned Troseddau Cyfundrefnol De Cymru, ganfod bod Patron wedi targedu plant yn Ne Cymru a denu plentyn i gyflawni gweithredoedd rhywiol.

Dywedodd y Ditectif Gwnstabl Isaac Gott o Tarian:

"O ganlyniad i ymchwiliad cymhleth a thrylwyr gan dditectifs o Tarian, doedd gan Patron ddim llawer o ddewis ond pledio'n euog i'r cyhuddiadau yn ei erbyn.

"David Parton yw un o'r troseddwr mwyaf peryglus i mi ddod ar ei draws. Mae e'n ddyn sy'n peri risg eithriadol i blant. Dechreuodd feithrin perthynas amhriodol gyda phlentyn a oedd o dan 13 oed yn ei dyb ef ar 26 Medi 2024, ac yn ystod yr amser hwn, gwnaeth ddenu'r plentyn i gymryd rhan mewn gweithredoedd rhywiol treiddiol.

"Datblygodd y cyfathrebu, ac roedd y diffynnydd yn bwriadu defnyddio offer taro ar y plentyn a thrafododd ddefnyddio condomau hefyd. Ar 11 Hydref teithiodd y diffynnydd i gyfarfod y plentyn yn Ne Cymru lle cafodd ei gwrdd gan dditectifs o Tarian a swyddogion o Heddlu De Cymru a'i arestio yn syth.

"Gwnaeth swyddogion chwilio ei gerbyd a dod o hyd i iraid, condomau a sildenafil sy'n cael ei werthu fel arfer o dan yr enw brand Viagra. Wrth chwilio, daethpwyd o hyd hefyd i chwip, brwsh gwallt, a gwregys y dywedodd y diffynnydd y byddai'n eu defnyddio ar y plentyn. Roedd yn amlwg ei fod yn bwriadu cam-drin y plentyn hwn yn rhywiol drwy weithredoedd rhywiol treiddiol.

"O ganlyniad i'r ymchwiliad sydyn a manwl gan Tarian, cafodd Parton ei gyhuddo'r un diwrnod ag y cafodd ei arestio a chafodd ei gadw yn y ddalfa.

"Mae bellach yn y carchar ac ni all beri risg i blant mwyach. Rwy'n gobeithio y bydd hyn yn rhybudd i unrhyw un sy'n bwriadu cam-drin plant. Byddwn yn defnyddio pob adnodd sydd ar gael i ni i ddod o hyd i chi a sicrhau eich bod yn ymddangos gerbron y llys.

“Mae mynd i’r afael ag achosion o gam-fanteisio’n rhywiol ar blant ar-lein yn flaenoriaeth genedlaethol i wasanaethau gorfodi’r gyfraith, ac rydym yn mynd ar ôl mwy o droseddwyr ac yn diogelu mwy o blant nag erioed o’r blaen.”

Dylai unrhyw un sy'n poeni am weithgarwch eu plentyn ar-lein gysylltu â'r heddlu ar 101 a rhoi gwybod am unrhyw ymddygiad neu weithgarwch amheus.