Carchar i leidr car a gafodd ddamwain wrth gael ei ddilyn gan yr heddlu

Mae gyrrwr wedi'i wahardd a geisiodd ffoi mewn ffordd beryglus wrth i'r heddlu ei ymlid drwy strydoedd Caerdydd wedi'i garcharu.

Gwnaeth Nathan Krishnan, 42 oed, ddwyn BMW o'r tu allan i dŷ ar Princess Street, y Rhath, yn ystod oriau mân bore Sul 8 Medi.

Rhoddodd berchennog y car wybod i'r heddlu a thua hanner awr yn ddiweddarach, gwelodd swyddogion mewn car heddlu heb ei farcio y BMW yn cael ei yrru ar hyd Lansdowne Road.

Dilynodd y swyddogion y BMW i Beechley Drive nes iddo stopio. Daeth y swyddogion ochr yn ochr â'r car a gweiddi i Krishnan ddiffodd yr injan ond gyrrodd i ffwrdd yn gyflym rhag y swyddogion a dechreuwyd ei ymlid.

Gyrrodd Krishnan yn beryglus drwy strydoedd Pentre-baen a'r Tyllgoed, gan gyrraedd cyflymder o hyd at 83mya.

Ychydig funudau wedyn, daeth yr ymlid i ben pan yrrodd Krishnan yn syth i mewn i lwyn, lle mae Pentrebane Road yn fforchio i Croft-Y-Genau Road a St Brides Road.

Cafodd ei arestio ac aethpwyd ag ef i'r ddalfa, lle cafodd ei gyhuddo o wrthod stopio, dwyn cerbyd gwaethygedig, gyrru'n beryglus, gyrru tra roedd wedi'i wahardd, a gyrru heb yswiriant.

Plediodd Nathan Krishnan o Dyfrig House, Glan yr Afon, yn euog i'r holl droseddau a chafodd ei garcharu am 30 wythnos yn Llys y Goron Caerdydd ddydd Gwener 29 Tachwedd.

Gwyliwch wrth i Krishnan yrru ar gyflymder o hyd at 84mya drwy strydoedd Gorllewin Caerdydd:

Llun o Nathan Krishnan yn nalfa'r heddlu.