Dyn o Faesteg wedi'i garcharu am dreisio

Cafodd Nathan Turner, 34 oed o Faesteg, ei ddedfrydu yn Llys y Goron Casnewydd ddydd Gwener 22 Mehefin am gyfanswm o 18 mlynedd am gyflawni troseddau niferus.

Cafodd Turner ei euogfarnu am y troseddau canlynol:

• Ymddygiad o reoli a thrwy orfodaeth
• Niwed corfforol gwirioneddol (ABH)
• Difrod Troseddol
• Niwed corfforol gwirioneddol (ABH)
• Gwyrdroi cwrs cyfiawnder
• Treisio
• Treisio

Yn Llys y Goron Casnewydd cafodd Turner ei ddedfrydu i 15 mlynedd yn y carchar â thair blynedd estynedig, gan ddod yn gyfanswm dedfryd o 18 mlynedd. Roedd hefyd yn destun Gorchymyn Atal Amhenodol, Fforffedu a Dinistrio ffôn y diffynnydd, a bu'n rhaid iddo dalu gordal o £270 i'r dioddefwr.

 

Dywedodd Cwnstabl yr Heddlu Rebecca Gordon:

"Hoffwn ganmol dewrder y dioddefwr wrth roi gwybod am yr ymosodiad hwn, sydd wedi ein galluogi i ddwyn unigolyn peryglus o flaen ei well.

"Rwy'n gobeithio y bydd y ddedfryd hon yn annog pobl eraill sydd wedi cael eu cam-drin yn rhywiol i gysylltu â ni. Byddwn yn eich credu ac yn gwneud popeth o fewn ein gallu i ddwyn troseddwyr o flaen eu gwell, ni waeth pryd y digwyddodd y drosedd.

“Os ydych wedi profi troseddau o'r fath, byddwn yn gwrando arnoch, a byddwn yn eich credu."