Mae tafarndai a chlybiau yng nghanol dinas Caerdydd wedi gweld gostyngiad sylweddol mewn trosedd.

Mae tafarndai a chlybiau yng nghanol dinas Caerdydd wedi gweld gostyngiad sylweddol mew trosedd, diolch i fenter diogelwch newydd.

Mae dros 20 o leoliadau wedi bod yn gweithio gyda Heddlu De Cymru ar Fenter Trwyddedu Diogelwch a Bregusrwydd (Licensing SAVI) dros y 12 mis diwethaf,

Yn ystod y cyfnod hwnnw, mae'r canlynol wedi lleihau:

30% yn llai o ymosodiadau rhywiol

30% yn llai o ymosodiadau ag anafiadau

23% yn llai o achosion meddw ac afreolus

Nod y cynllun a gefnogir gan y Swyddfa Gartref yw rhoi cyngor ac arweiniad i leoliadau er mwyn darparu amgylchedd croesawgar a mwy diogel.

Cafodd y cynllun ei gyflwyno yng Nghaerdydd ym mis Ebrill 2023, a gobeithio y bydd mwy o leoliadau trwyddedig nawr yn cofrestru â Licensing SAVI.

Dywedodd yr Arolygydd Justin Hardwick, o Heddlu De Cymru:

“Mae gan Gaerdydd hanes ardderchog o weithio mewn partneriaeth sydd wedi helpu i sicrhau bod ei heconomi liw nos yn ddiogel yn ogystal â bywiog a chroesawgar.
“Caiff rhai o'r ymyriadau a ddefnyddir yng nghanol y ddinas eu hystyried yn enghreifftiau o arfer dda ac maent wedi cael eu mabwysiadu gan heddluoedd eraill.
“Dim ond un o'r ffyrdd y mae busnesau yn yr economi liw nos yn helpu i leihau troseddau ac anhrefn, ac i gadw Caerdydd yn ddiogel, yw Licensing SAVI.”

Am ragor o wybodaeth ewch i www.licensingsavi.com