Carcharu tri ar ôl lladrad treisgar

Mae tri dyn wedi cael eu hanfon i'r carchar am gyfanswm o 16 mlynedd ar ôl eu cael yn euog o ladrad treisgar a ddigwyddodd ym mis Chwefror eleni yng nghanol Caerdydd. 

Tua 10.00pm ar 16 Chwefror, roedd dyn 63 oed yn beicio ar hyd Tudor Road pan ymosododd tri dyn arno a'i lusgo oddi ar ei feic, ymosod arno a dwyn ei feic.

Erbyn diwedd y mis roedd y tri unigolyn wedi cael eu harestio a'u cyhuddo o ladrata ac am ymosod.

Dywedodd y Ditectif Gwnstabl Craig Pearce o adran ymchwiliadau troseddol (CID) y Tyllgoed: "Rwy'n falch bod y mater wedi bod gerbron y llys a bod y troseddwyr wedi'u hadnabod a'u dedfrydu i garchar.

"Dangosodd y dioddefwr ddewrder aruthrol wrth gysylltu â ni a thrwy wneud hynny fe'n galluogodd i gadw'r gymuned leol yn ddiogel.

"Ni chaiff ymddygiad o'r fath ei oddef. Cynhelir ymchwiliad a bydd y rhai sy'n gyfrifol yn cael dwyn gerbron y Llys er mwyn wynebu cyfiawnder."

Dedfrydwyd Joshua Kelly, 30 oed o'r Barri, Tyrone Spriggs, 31 oed o Gaerdydd a Rhys Geisheimer, 28 oed, hefyd o'r Barri, yn Llys y Goron Caerdydd ddydd Iau 30 Mai.

Cafodd Kelly ddedfryd o ddeg mlynedd yn y carchar a chafodd Spriggs a Geisheimer eu hanfon i'r carchar am dair blynedd yr un.