Apêl newydd am wybodaeth am leoliad John Tossell, o Ben-y-bont ar Ogwr, aeth ar goll ar ei wyliau yng Ngwlad Groeg bum mlynedd yn ôl i heddiw

Rydym yn parhau i gefnogi teulu John Tossell, a aeth ar goll bum mlynedd yn ôl i heddiw tra ei fod ar wyliau ar ynys Zakynthos (Zante) yng Ngwlad Groeg.

Gwelwyd John, o Ben-y-bont ar Ogwr, ddiwethaf ddydd Llun 17 Mehefin 2019.

Roedd y dyn, sydd bellach yn 78 oed, ar wyliau gyda'i bartner ym mhentref Argassi, ac yn cerdded at fynachlog ar Fynydd Skopos.

Er bod awdurdodau Gwlad Groeg wedi bod yn chwilio amdano, yn ogystal â thîm Achub Mynydd Gorllewin y Bannau, nid ydynt wedi dod o hyd iddo.

Mae ei deulu wedi apelio i unrhyw un a allai fod wedi bod yn yr ardal feddwl a allai fod wedi gweld John, a oedd yn gwisgo crys glas.

Maen nhw hefyd wedi gofyn i bobl a oedd ar wyliau edrych ar eu lluniau i weld a oedd John yn y cefndir.

Er bod yr ymchwiliad yn cael ei arwain gan awdurdodau Gwlad Groeg, gallwch gysylltu â ni os bydd gennych unrhyw wybodaeth a allai helpu yn eich barn chi, drwy un o'r dulliau canlynol, gan ddyfynnu'r cyfeirnod 1900243231:

• Sgwrs fyw https://www.south-wales.police.uk/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101

Gellir rhoi gwybodaeth yn ddienw drwy Crimestoppers hefyd ar 0800 555 111, neu ar ei ffurflen ar-lein yn: https://crimestoppers-uk.org/give-information/forms/give-information-anonymously