Carcharu dyn o Abertawe am droseddau'n ymwneud â chyffuriau
Cynnwys y prif erthygl
Carcharwyd dyn o Abertawe ar ôl cyfres o droseddau'n ymwneud â chyffuriau.
Cafodd Paul Davies, dyn 39 oed o Langyfelach ei arestio yn ystod gwarant ym mis Mai yn ei fflat yn Llysgwyn, ac yn ystod y chwiliad daethpwyd o hyd i swm o arian parod.
Plediodd Davies yn euog o feddu ar gyffuriau dosbarth A, B ac C gyda'r bwriad o'u cyflenwi. Plediodd yn euog hefyd i feddu ar eiddo troseddol.
Mae wedi cael ei ddedfrydu i bedair blynedd a mis yn y carchar.
Dywedodd yr Arolygydd Andy Price:
"Yn dilyn ymchwiliad trylwyr, bydd Paul Davies, unigolyn a oedd yn ymwneud â chludo cyffuriau ar ein strydoedd, bellach yn y carchar am nifer o flynyddoedd.
“Mae cyffuriau yn achosi gofid diddiwedd yn ein cymunedau ac rydym yn annog unrhyw un sy'n amau bod gweithgarwch anghyfreithlon sy’n ymwneud â chyffuriau yn mynd rhagddo yn ei gymuned i gysylltu â’r heddlu a rhoi unrhyw wybodaeth sydd ganddo i ni.”