Deliwr cyffuriau o Gaerdydd yn neidio allan o ffenestr i osgoi cael ei arestio

 

Gwnaeth Sambou Kassama ei orau i osgoi swyddogion drwy daflu ei gyffuriau allan o ffenestr a neidio o lawr cyntaf ei dŷ.

Ond cafodd ei ddarganfod yn cuddio yng ngardd cymydog ac mae bellach yn y carchar.

Datgelodd ymchwiliad yr heddlu fod yr unigolyn 27 oed o Drelái, Caerdydd, wedi bod yn rhedeg dwy linell cyffuriau yn yr ardal, yn delio crac cocên a heroin.

Ar 4 Gorffennaf 2024, cynhaliwyd gwarant gan swyddogion yng nghyfeiriad ei gartref.

Mae deunydd drôn yn dangos y foment y taflodd Kassama gyffuriau allan o ffenestr gefn ystafell wely cyn neidio drwy'r ffenestr a rhedeg i ffwrdd.

Cafodd ei arestio ac yn ddiweddarach plediodd yn euog i ddau gyhuddiad o fod â chyffuriau Dosbarth A yn ei feddiant gyda'r bwriad o'u cyflenwi, dau gyhuddiad o ymwneud â chyflenwi cyffuriau Dosbarth A a bod â chyffuriau Dosbarth B yn ei feddiant.

Cafodd Kassama ei ddedfrydu i 4 mlynedd a 4 mis yn Llys y Goron Caerdydd ddydd Mawrth, 17 Medi 2024.

Mae gan Heddlu De Cymru ddull gweithredu dim goddefgarwch mewn perthynas â delio mewn cyffuriau, a dim ond un enghraifft yw hon o'r gwaith rydym yn ei gyflawni.

Ni fyddwn yn goddef cyffuriau yn ein cymunedau, ac rydym yn targedu'r rhai y credir eu bod yn ymwneud â chyflenwi cyffuriau a reolir yn barhaus.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â gweithio â ni.

• Sgwrs Fyw
• Rhoi gwybod ar-lein
• 101 / Crimestoppers yn ddienw ar 0800 555 111.

Ffoniwch 999 bob amser mewn argyfwng.