Anhrefn yn Nhrelái: 31 o bobl i ymddangos gerbron y llys

Gall Heddlu De Cymru gadarnhau bod 31 o bobl wedi cael galwadau drwy'r post i ymddangos gerbron y llys ar ôl cael eu cyhuddo o droseddau yn ymwneud ag anhrefn difrifol a ddigwyddodd yn ardal Trelái o Gaerdydd ddydd Llun, 22 Mai 2023.

Bydd 20 oedolyn a 7 person ifanc yn ymddangos gerbron Llys Ynadon Caerdydd ddydd Iau, 19 Medi a dydd Gwener, 20 Medi ar ôl cael eu cyhuddo o derfysg.

Mae pedwar arall, tri oedolyn ac un person ifanc, yn wynebu cyhuddiadau o ddifrod troseddol neu fygwth achosi difrod troseddol a byddant hefyd yn ymddangos gerbron y llys ar yr un dyddiadau.

Prif Uwcharolygydd Danny Richards o Heddlu De Cymru:

“Cafodd sawl cerbyd ei roi ar dân, difrodwyd eiddo, anafwyd swyddogion yr heddlu ac roedd trigolion yn ofnus yn eu cartrefi, yn ystod yr anhrefn.
“Yn dilyn ymchwiliad trylwyr dan arweiniad ditectifs y Tîm Ymchwilio i Droseddau Mawr, mae Gwasanaeth Erlyn y Goron wedi awdurdodi cyhuddiadau o derfysg, difrod troseddol a bygwth achosi difrod troseddol.
“Rydym yn hynod ddiolchgar am gymorth y gymuned drwy gydol ein hymchwiliad ac rydym bellach yn aros am ganlyniad proses y llys.”