Swyddogion yn Butetown yn cael pwerau ychwanegol i atal ymddygiad gwrthgymdeithasol.

Mae gorchymyn gwasgaru ar waith o 6pm heddiw (dydd Gwener, 8 Mawrth) tan 6am ddydd Sul, 10 Mawrth yn ardal Butetown.

Mae gorchymyn gwasgaru, sydd wedi'i roi o dan Adran 35 o Ddeddf Ymddygiad Gwrthgymdeithasol, Troseddu a Phlismona 2014, ar waith o 6pm heddiw (dydd Gwener, 8 Mawrth) tan 6am ddydd Sul, 10 Mawrth yn ardal Butetown.

O dan Adran 35 o'r Ddeddf, gall swyddogion yr heddlu gyfarwyddo unrhyw un sy'n achosi aflonyddwch, codi ofn neu achosi trallod, neu'n debygol o'u hachosi, i adael yr ardal sydd wedi'i nodi ar y map.

Bydd ganddynt hefyd y pŵer i atafaelu unrhyw eiddo y mae swyddogion yn amau sy'n cael ei ddefnyddio i achosi ymddygiad gwrthgymdeithasol.

Mae'r gorchymyn yn fesur ataliol yn dilyn adroddiadau cynyddol o achosion o ddelio mewn cyffuriau ac ymddygiad gwrthgymdeithasol cysylltiedig yn Butetown.

Dywedodd yr Arolygydd Abi Biddle, o Heddlu De Cymru:

“Mae'r gorchymyn gwasgaru ar waith dros y penwythnos fel mesur ataliol.

“Bydd gennym bresenoldeb uwch yn Butetown ac ni fydd swyddogion yn ymatal rhag rhoi'r pwerau ychwanegol a roddwyd iddynt ar waith, er mwyn cadw'r gymuned yn ddiogel.

“Rydym yn annog rhieni a gwarcheidwaid i siarad â phobl ifanc am beidio ag ymgymryd â delio mewn cyffuriau.”

Mae gan Heddlu De Cymru ddull gweithredu dim goddefgarwch mewn perthynas â delio mewn cyffuriau, a dim ond un enghraifft yw'r gorchymyn gwasgaru hwn o'r gwaith rydym yn ei gyflawni.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.

Anogir unrhyw un sydd ag amheuon neu wybodaeth am achosion o ddelio mewn cyffuriau anghyfreithlon i gysylltu â ni.

Sgwrs Fyw https://www.south-wales.police.uk/cy-GB/

Rhoi gwybod ar-lein https://www.south-wales.police.uk/cy-GB/riportio/riportio

E-bost [email protected]

101

Ffoniwch 999 bob amser mewn argyfwng.