Mae swyddogion yn Butetown, Caerdydd, wedi cael pwerau ychwanegol i atal digwyddiadau, achosion o ddelio mewn cyffuriau ac ymddygiad gwrthgymdeithasol cysylltiedig

Mae swyddogion yn Butetown, Caerdydd, wedi cael pwerau ychwanegol i atal digwyddiadau, achosion o ddelio mewn cyffuriau ac ymddygiad gwrthgymdeithasol cysylltiedig.

Mae'r gorchymyn yn fesur ataliol yn dilyn achos o drywanu yn gynharach y mis hwn a phryderon parhaus am achosion o drais, achosion o ddelio mewn cyffuriau ac ymddygiad gwrthgymdeithasol cysylltiedig.

Mae gorchymyn gwasgaru 48 awr, sydd wedi'i roi o dan Adran 35 o Ddeddf Ymddygiad Gwrthgymdeithasol, Troseddu a Phlismona 2014, ar waith o 18.00pm ddydd Gwener 29 Mawrth tan 18.00pm ddydd Sul 31 Mawrth 2024.

O dan Adran 35 o'r Ddeddf, gall swyddogion yr heddlu gyfarwyddo unrhyw un sy'n achosi aflonyddwch, codi ofn neu achosi trallod, neu'n debygol o'u hachosi, i adael yr ardal sydd wedi'i nodi ar y map.

Bydd gan y swyddogion hefyd y pŵer i atafaelu unrhyw eiddo y maent yn amau sy'n cael ei ddefnyddio i achosi ymddygiad gwrthgymdeithasol.

Mae'r gorchymyn yn fesur ataliol yn dilyn achos o drywanu a phryderon parhaus am achosion o drais, achosion o ddelio mewn cyffuriau ac ymddygiad gwrthgymdeithasol cysylltiedig yn Butetown.

Dywedodd yr Arolygydd Abi Biddle, o Heddlu De Cymru:

"Mae'r gorchymyn gwasgaru ar waith am y 48 awr nesaf fel mesur ataliol.

"Bydd gennym bresenoldeb uwch yn Butetown ac ni fydd swyddogion yn ymatal rhag rhoi'r pwerau ychwanegol a roddwyd iddynt ar waith, er mwyn cadw'r gymuned yn ddiogel.

“Rydym yn annog rhieni a gwarcheidwaid i siarad â phobl ifanc am beidio ag ymgymryd â delio mewn cyffuriau. Mae'r heddlu hefyd yn gwirio pwy maent yn ymwneud â nhw, yr hyn maent yn ei wneud a lle maent.”

Mae gan Heddlu De Cymru ddull gweithredu dim goddefgarwch mewn perthynas â delio mewn cyffuriau, a dim ond un enghraifft yw'r gorchymyn gwasgaru hwn o'r gwaith rydym yn ei gyflawni.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.

Anogir unrhyw un sydd ag amheuon neu wybodaeth am achosion o ddelio mewn cyffuriau anghyfreithlon i gysylltu â ni.

• Sgwrs Fyw https://www.south-wales.police.uk/cy-GB/
• Rhoi gwybod ar-lein https://www.south-wales.police.uk/cy-GB/riportio/riportio
• E-bostio [email protected]
• 101 neu Crimestoppers yn ddienw, ar 0800 555 111.

Ffoniwch 999 bob amser mewn argyfwng.