Marwolaeth sydyn ger Clwb Rygbi Llandaf: dyn wedi'i enwi ac apelio am unrhyw un a'i gwelodd

Cafodd y dyn a fu farw ger Clwb Rygbi Llandaf ar Rodfa'r Gorllewin, Caerdydd, ei enwi fel Stephen Bulpin, o'r Tyllgoed, Caerdydd.

Galwyd ar y gwasanaethau brys i'r llwybr ar hyd y clwb rygbi tua 3am fore dydd Llun, 19 Mawrth.

Mae ditectifs yn apelio ar unrhyw un a allai fod wedi gweld Stephen o ddydd Sul hyd at oriau mân y bore ddydd Llun i gysylltu â nhw.

Mae ei farwolaeth yn cael ei thrin fel marwolaeth sydyn ac anesboniadwy ar hyn o bryd. Mae archwiliad post mortem yn cael ei gynnal er mwyn sefydlu achos ei farwolaeth ac mae teulu Stephen yn cael y wybodaeth ddiweddaraf.

Dywedodd y Ditectif Arolygydd Bob Chambers, o Heddlu De Cymru:

"Mae ymholiadau helaeth yn cael eu cynnal i sefydlu achos ac amgylchiadau marwolaeth Mr Bulpin. Rydym yn meddwl am ei deulu a'i ffrindiau ar yr adeg hon.
"Mae cordonau'r heddlu yn eu lle o hyd, a hoffwn ddiolch i'r gymuned am eu cymorth a'u dealltwriaeth wrth i ni barhau â'n hymchwiliad.

"Rydym yn apelio ar unrhyw un sydd â gwybodaeth, yn benodol unrhyw un a allai fod wedi gweld Stephen neu fod mewn cysylltiad gydag ef rhwng 4pm ddydd Sul, 17 Mawrth a 3am ddydd Llun, 18 Mawrth, i gysylltu â ni.

"Mae angen y wybodaeth hon arnom i helpu i greu darlun o symudiadau Stephen a'r amgylchiadau a arweiniodd at ei farwolaeth."

O ganlyniad i'r ymholiadau, gallwn gadarnhau fod Stepen Bulpin wedi'i weld ddydd Sul, 17 Mawrth a dydd Llun, 18 Mawrth yn y lleoedd canlynol:

Dydd Sul 4pm: Treuliodd Stephen amser yng Ngwesty'r Fairwater ar Heol Sain Ffagan.

Dydd Sul 9pm: Gwelwyd ef nesaf yn dal bws y tu allan i'r Holiday Inn, Stryd y Castell, canol dinas Caerdydd.

Dydd Sul 9.25pm dychwelodd Stephen i Westy'r Fairwater ac aros yno tan 11:25pm.

Dydd Llun rhwng 12.30am ac 1.00am: Dychwelodd Stephen i Poplar Road, y Tyllgoed am gyfnod byr.

Dydd Llun 1.25am: Gwelwyd dyn a oedd yn ateb y disgrifiad o Stephen yn cerdded ar hyd Heol Pwllmelin, ger siop Premier, i gyfeiriad Llandaf.

Dydd Llun 1.50am: Gwelwyd dyn a oedd yn ateb y disgrifiad ohono ar gyffordd Gerddi'r Gadeirlan a Clos y Gadeirlan cyn cerdded i mewn i Glos y Gadeirlan i gyfeiriad y llwybr lle daethpwyd o hyd iddo yn ddiweddarach.

Gofynnir i unrhyw un sydd â gwybodaeth gysylltu â Heddlu De Cymru drwy un o'r ffyrdd canlynol gan ddyfynnu 2400089199.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.